Yn y blog hwn, rydym yn trafod rhaglen llwyddiannus Global Teaching Labs yng Nghymru 2023 a ddarparwyd yn bersonol ym mis Ionawr 2023.
Ym mis Ionawr 2023, gwelsom raglen bersonol Global Teaching Labs yng Nghymru yn dychwelyd ar ôl dwy flynedd o ddarparu’r rhaglen ar-lein oherwydd y pandemig byd-eang.
Beth yw rhaglen MISTI Global Teaching Labs yng Nghymru?
Mae rhaglen Global Teaching Labs yng Nghymru Mentrau Gwyddoniaeth a Thechnoleg Ryngwladol MIT (MISTI) yn rhaglen effeithiol a thrawsnewidiol unigryw, sy’n dod â hyfforddwyr STEM arbenigol o Sefydliad Technoleg Massachusetts (MIT) i ystafelloedd dosbarth ac ystafelloedd staff ar draws Cymru.
Trwy’r fenter bartneriaeth hon, nod Llywodraeth Cymru, MIT a Equal Educaiton Partners yw gwella ymgysylltiad â phynciau STEM trwy archwilio materion byd go iawn a grymuso dysgwyr i ymdrechu i wireddu’u potensial yn yr ystafell ddosbarth a thu hwnt.
Am ragor o wybodaeth am raglen Global Teaching Labs yng Nghymru, cliciwch yma.
MISTI Global Teaching Labs yng Nghymru 2023
Rhwng Dydd Sadwrn 7fed o Ionawr a Dydd Sul 8fed o Ionawr, cyrhaeddodd ein 12 hyfforddwr Global Teaching Labs yng Nghymru – sy’n fyfyrwyr yn Sefydliad Technoleg Massachusetts (MIT) – yng Nghaerdydd cyn teithio ar draws Cymru at eu teuluoedd cynnal i ddechrau eu mis o gyflwyno cwricwla STEM pwrpasol yn eu hysgolion a cholegau cynnal a lleoliadau ar y cyd.
Yn ystod mis Ionawr 2023, bu ein 12 myfyriwr MIT yn gweithio ar draws 13 o brif ysgolion a cholegau cynnal ac 20 o ysgolion a cholegau lleoliadau ar y cyd. Roedd yr ysgolion cynradd lleol a’r ysgolion sy’n bwydo’r ysgolion a’r colegau a oedd yn cynnal y rhaglen hefyd wedi elwa o’r rhaglen mewn rhai achosion.
Yr ysgolion a’r colegau cynnal yn rhaglen Global Teaching Labs yng Nghymru 2023:
- Ysgol Alun
- Coleg Penybont
- Ysgol Bro Dinefwr
- Ysgol Gyfun Caerlleon
- Coleg Caerdydd a’r Fro
- Ysgol Gyfun Cwm Rhymni
- Ysgol Garth Olwg
- Ysgol Uwchradd Llanidloes
- Ysgol Llanilltud Fawr
- Coleg Sir Benfro
- Ysgol Pentrehafod
- Coleg Catholig Dewi Sant
- Ysgol Gymuned Tonyrefail
Yr ysgolion a cholegau a rannodd lleoliad ar gyfer rhaglen Global Teaching Labs yng Nghymru 2023:
- Ysgol Uwchradd Gatholig yr Archesgob McGrath
- Ysgol Bae Baglan
- Ysgol Gynradd yr Eglwys yng Nghymru Bishop Childs
- Ysgol Bro Carmel
- Ysgol Bro Gwaun
- Ysgol Uwchradd Cathays
- Ysgol Catholig Crist y Gair
- Ysgol Gynradd Coed Glas
- Ysgol Gynradd Gymraeg Gellionnen
- Coleg Gŵyr
- Ysgol Gyfun Gŵyr
- Grŵp Llandrillo Menai
- Ysgol Harri Tudur
- Ysgol Gynradd Herbert Thompson
- Ysgol Gynradd Gymraeg Lôn Las
- Ysgol Gymraeg Melin Gruffydd
- Ysgol Gyfun Aberdaugleddau
- Ysgol Penrhyn Dewi CIW School
- Ysgol Gyfun Radur
- Ysgol Gyfun Treorci
Roedd y ffordd yr oedd pob hyfforddwr yn gweithio ym mhob ysgol a choleg yn amrywio rhwng pob sefydliad, fodd bynnag, ym mhob lleoliad, gwelsom lu o wersi, gweithdai a phrosiectau rhyngddisgyblaethol STEM diddorol yn ogystal â sesiynau gwybodaeth, dosbarthiadau meistr a sesiynau archwilio prifysgol.
Arddangos Cymru, ei diwylliant, ei hanes a’i hunaniaeth unigryw
Dros bob penwythnos yn ystod y mis, trefnodd ein tîm Partneriaethau galendr o weithgareddau cymdeithasol ar gyfer yr hyfforddwyr Global Teaching Labs er mwyn iddynt deithio o gwmpas a phrofi Cymru. Roedd y teithiau penwythnos hyn yn cynnwys ymweliadau â:
- Gêm rygbi y Scarlets
- Gêm bêl-droed Dinas Abertawe
- Mwmbwls (gyda stop am hufen iâ Joe’s!)
- Tyddewi (gyda chinio tafarn traddodiadol yn Solfach)
- Sain Ffagan Amgueddfa Werin Cymru
- Castell Caerdydd
- Bae Caerdydd
Yn amser eu hunain, cymerodd yr ysgolion, colegau a’r teuluoedd cynnal eu myfyrwyr i’w dangos o gwmpas eu hardaloedd lleol. Roedd gweithgareddau ychwanegol yn cynnwys cymryd rhan mewn côr meibion Cymreig, gwylio gig cerddoriaeth Gymraeg, taith i Ddinbych-y-pysgod, heicio ar draws Gogledd Cymru, gweithio ar fferm deuluol ac ymweld â nifer fawr o gestyll!
Astudiaeth achos
“Aeth Global Teaching Labs yng Nghymru y tu hwnt i’m disgwyliadau. Dysgais mewn ysgol uwchradd yn y canolbarth, ac arhosais gyda theulu mewn tref fechan o’r enw Llanidloes. Nid yn unig mwynheais addysgu pynciau sy’n agos ac yn annwyl i’m calon fel datblygu’r we, roboteg, a dylunio a gweithgynhyrchu, ond cefais hefyd ddealltwriaeth ddyfnach o’r meysydd hynny ac addysgu o ganlyniad. Roedd y myfyrwyr mor barchus a pharod i dderbyn y sgiliau roeddwn yn eu dysgu, a mwynheais eu hamlygu i gyfleoedd addysg uwch beth bynnag eu cefndir. Cefais gyfle i brofi anturiaethau ymarferol fel bwydo defaid i fyny ar y bryniau wedi eu gorchuddio gan eira, teithio i lannau Aberystwyth, a heicio i fyny’r Hafren gyda ffrindiau newydd. Cefais fy amgylchynu gan gylch mor gefnogol o athrawon a ffrindiau, ac ni allaf aros i ailgysylltu â’r perthnasoedd hyn yn y dyfodol.”
Christina Chen, hyfforddwraig Global Teaching Labs yng Nghymru 2023
Sut i gymryd rhan ym mis Ionawr 2024
Am ragor o wybodaeth am raglen MISTI Global Teaching Labs yngs Nghymru, ewch i https://gtlcymru.online/ neu e-bostiwch Rebecca Martin (Uwch Gydymaith Partneriaethau Rhyngwladol) ar rebecca.martin@equaleducationpartners.com
Bydd ceisiadau i ysgolion a cholegau i gymryd rhan yn rhaglen Global Teaching Labs yng Nghymru 2024 yn agor ym mis Medi 2023.