Yn y blog yma, rydym yn trafod rhaglen lwyddiannus Global Teaching Labs yng Nghymru 2023 a gyflwynwyd wyneb yn wyneb ym mis Ionawr 2023.
Ym mis Ionawr 2023, gwelsom raglen wyneb yn wyneb Global Teaching Labs yng Nghymru yn dychwelyd ar ôl dwy flynedd o gyflwyno’r rhaglen ar-lein oherwydd y pandemig byd-eang.
Beth yw’r rhaglen MISTI Global Teaching Labs yng Nghymru?
Mae rhaglen Global Teaching Labs yng Nghymru yr MIT (MISTI) yn rhaglen unigryw a thrawsnewidiol, sy’n dod â hyfforddwyr STEM arbenigol o’r MIT i ystafelloedd dosbarth ac ystafelloedd staff ledled Cymru.
Trwy’r fenter bartneriaeth hon, nod Llywodraeth Cymru, yr MIT a Phartneriaid Addysg Equal yw gwella ymgysylltiad â phynciau STEM trwy archwilio materion byd go iawn a grymuso dysgwyr i ymdrechu i gyflawni hyd eithaf eu gallu yn yr ystafell ddosbarth a thu hwnt.
I gael rhagor o wybodaeth am y rhaglen Global Teaching Labs yng Nghymru, cliciwch yma.
Global Teaching Labs MISTI yng Nghymru 2023
Ar ddydd Sadwrn 7 a dydd Sul 8f Ionawr, cyrhaeddodd ein 12 hyfforddwr Global Teaching Labs yng Nghymru – sy’n fyfyrwyr yn MIT – Gaerdydd cyn teithio ledled Cymru at eu teuluoedd cynnal i ddechrau eu mis o gyflwyno cwricwla STEM pwrpasol yn eu hysgolion cynnal a lleoliadau ar y cyd a’r colegau.
Yn ystod mis Ionawr 2023, bu ein 12 myfyriwr MIT yn gweithio ar draws 13 o brif ysgolion a cholegau cynnal ac 20 o ysgolion a cholegau lleoliadau ar y cyd. Roedd yr ysgolion cynradd lleol a’r ysgolion sy’n bwydo’r ysgolion a’r colegau a oedd yn cynnal y rhaglen hefyd wedi elwa ar y rhaglen mewn rhai achosion.
Ysgolion a Cholegau Cynnal
Yr ysgolion a’r colegau sy’n cynnal y rhaglen Global Teaching Labs yng Nghymru 2023:
- Ysgol Alun
- Coleg Penybont
- Ysgol Bro Dinefwr
- Ysgol Gyfun Caerlleon
- Coleg Caerdydd a’r Fro
- Ysgol Gyfun Cwm Rhymni
- Ysgol Garth Olwg
- Ysgol Uwchradd Llanidloes
- Ysgol Llanilltud Fawr
- Coleg Sir Benfro
- Ysgol Pentrehafod
- Coleg Catholig Chweched Dosbarth Dewi Sant
- Ysgol Gymuned Tonyrefail
Ysgolion a Cholegau Lleoliad ar y Cyd
Y lleoliadau a rennir rhwng ysgolion a cholegau ar gyfer rhaglen Global Teaching Labs yng Nghymru 2023:
- Ysgol Uwchradd Gatholig yr Archesgob McGrath
- Ysgol Bae Baglan
- Ysgol Gynradd yr Eglwys yng Nghymru Esgob Childs
- Ysgol Bro Carmel
- Ysgol Bro Gwaun
- Ysgol Uwchradd Cathays
- Ysgol Gatholig Crist y Gair
- Ysgol Gynradd Coed Glas
- Ysgol Gynradd Gymraeg Gellionnen
- Coleg Gwyr
- Ysgol Gyfun Gŵyr
- Grŵp Llandrillo Menai
- Ysgol Harri Tudur
- Ysgol Gynradd Herbert Thompson
- Ysgol Gynradd Gymraeg Lôn Las
- Ysgol Gymraeg Melin Gruffydd
- Ysgol Gyfun Aberdaugleddau
- Ysgol Penrhyn Dewi CIW VA School
- Ysgol Gyfun Radur
- Ysgol Gyfun Treorci
Roedd y ffordd yr oedd pob hyfforddwr yn gweithio ym mhob ysgol a choleg yn amrywio rhwng pob sefydliad, fodd bynnag, ym mhob lleoliad, gwelsom lu o wersi STEM difyr, gweithdai a phrosiectau rhyngddisgyblaethol yn ogystal â sesiynau gwybodaeth, dosbarthiadau meistr a sesiynau archwilio prifysgol.
Arddangos Cymru, ei diwylliant, ei hanes a’i hunaniaeth unigryw
Dros bob penwythnos yn ystod y mis, trefnodd ein tîm Partneriaethau galendr gweithgareddau cymdeithasol ar gyfer hyfforddwyr Global Teaching Labs er mwyn iddynt gael teithio o amgylch Cymru a phrofi gwahanol brofiadau. Roedd y teithiau penwythnos hyn yn cynnwys ymweliadau â:
- Gêm rygbi y Scarlets
- Gêm bêl-droed Dinas Abertawe
- Y Mwmbwls (gyda chyfle i fwynhau hufen iâ Joes!)
- Tyddewi (gyda chinio tafarn traddodiadol yn Solfach)
- Amgueddfa Werin Cymru, Sain Ffagan
- Castell Caerdydd
- Bae Caerdydd
Yn ystod eu hamser eu hunain, gwnaeth yr ysgolion a’r colegau a’u teuluoedd oedd yn cynnal dreulio amser hefyd yn dangos eu hardaloedd lleol i’r myfyrwyr. Roedd gweithgareddau ychwanegol yn cynnwys cymryd rhan mewn sesiwn ganu gyda chôr meibion Cymreig, gwylio gig cerddoriaeth Gymraeg, taith i Ddinbych-y-pysgod, cerdded yng Ngogledd Cymru, gweithio ar fferm deuluol ac ymweld â nifer fawr o gestyll!
“Aeth GTL Cymru y tu hwnt i fy nisgwyliadau. Dysgais mewn ysgol uwchradd yng nghanolbarth Cymru, ac arhosais gyda theulu mewn tref fechan o’r enw Llanidloes. Gwnes nid yn unig fwynhau addysgu pynciau y mae gennyf ddiddordeb mawr ynddynt ac sy’n bwysig i mi fel datblygu’r we, roboteg, a dylunio a gweithgynhyrchu, ond cefais hefyd ddealltwriaeth ddyfnach o’r meysydd hynny ac addysgu o ganlyniad. Roedd y myfyrwyr mor barchus a pharod i dderbyn y sgiliau a ddysgais, a mwynheais eu cyflwyno i gyfleoedd addysg uwch beth bynnag eu cefndir. Cefais gyfle i brofi anturiaethau ymarferol fel bwydo defaid i fyny ar y bryniau eira, teithio i lannau Aberystwyth, a heicio i fyny tarddiad yr Hafren gyda ffrindiau newydd. Cefais fy amgylchynnu gan gylch mor gefnogol o athrawon a ffrindiau, ac ni allaf aros i ailafael yn y cysylltiadau hyn yn y dyfodol.”
Christina Chen, hyfforddwraig GTL yng Nghymru 2023
Sut i gymryd rhan ym mis Ionawr 2024
I gael rhagor o wybodaeth am raglen Global Teaching Labsyr MISTI yng Nghymru, ewch i https://gtlwales.online/ neu e-bostiwch Rebecca Martin (Uwch Gydymaith Partneriaethau Rhyngwladol) ar rebecca.martin@equaleducationpartners.com
Bydd y cyfle i ysgolion a cholegau ymgeisio i gymryd rhan yn rhaglen Global Teaching Labs yng Nghymru 2024 yn agor ym mis Medi 2023.