Beth yw menter SEPT MIT?
Mae’r rhaglen gwyddoniaeth a pheirianneg ar gyfer athrawon o fewn Sefydliad Technoleg Massachusetts (MIT) yn rhoi cylfe i 55 o athrawon arloesol ac ymdroddedig o bob cwr o’r byd fynychu darlithoedd gan wyddonwyr blaenllaw, rhoi cynnig ar dechnoleg diweddar a ddatblygwyd ar y campws a rhwydweithio gyda grŵp rhagorol o addysgwyr angerddol.
Mae Llywodraeth Cymru, drwy Equal Education Partners, yn ariannu 4 o addysgwyr STEM o bob rhan o Gymru i fynychu a chymryd rhan yn y rhaglen i ddatblygu gwybodaeth am bynciau STEM, a hynny er mwyn cefnogi gwaith cyflwyno’r Cwricwlwm Newydd i Gymru, a chymhwysedd digidol ar draws pob maes pwnc
Sut mae Equal Education Partners wedi cefnogi Rhaglen SEPT 2023
Yn Equal, rydym yn falch iawn o gyfrannu at gynnig cefnogaeth i’r pedwar cynrhychiolydd rhagorol, gan eu galluogi i fynychu MIT, sy’n sefydliad mor uchel ei fri, fel rhan o’r rhaglen arloesol hon.
Fel rhan o’r fenter hon, mae Equal wedi hwyluso’r broses gyfan,gan gynnwys archebu teithiau awyr, cynorthwyo gyda threfniadau fisa, a sicrhau opsiynau llety
cyfforddus. Trwy wneud hynny, nod Equal yw helpu i rymuso’r cynrychiolwyr a’u harfogi gyda’r holl wybodaeth a’r adnoddau angenrheidiol sydd eu hangen i elwa i’r eithaf ar y cyfle gwych hwn a dod â’u profiadau yn ôl i Gymru i wella addysg STEM ledled y wlad.
Bydd y pedwar cynrhychiolydd o Gymru a ddewiswyd i gymryd rhan yn y rhaglen SEPT yn ymweld ag MIT ac yn cymryd rhan mewn:
● Darlithoedd dyddiol gan wyddonwyr MIT ar feysydd newydd mewn ymchwil gwyddoniaeth a pheirianneg
● Gweithdai ymarferol gyda Lego DNA, gemau cyfrifiadurol ac efelychiadau, a thechnoleg a ddatblygwyd yn MIT
● Teithiau o amgylch labordai ac arddangosiadau dan arweiniad gwyddonwyr MIT
● Cyfle i ddysgu mwy am fentrau MIT K-12 ar gyfer myfyrwyr ac athrawon
● Adeiladu cymuned ymhlith y grŵp rhagorol o athrawon sydd eisioes yn ymwybodol o SEPT
O’r dechrau’n deg mae SEPT wedi cadw maint dosbarthiadau pob blwyddyn yn fach i sicrhau bod pob cyfranogwr yn elwa i’r eithaf ar eu profiad.
Mae SEPT yn cynnig cymhareb uchel rhwng adrannau a myfyrwyr, gyda maint dosbarth rhwng 50-60 ac yn ehangu pob blwyddyn.
Dysgwch fwy am y prosiect yma.
