Yn 2021, bydd 39 o ddysgwyr Seren o bob rhan o Gymru yn cymryd rhan yn Yale Young Global Scholars (YYGS) trwy Bartneriaeth Seren-YYGS hynod unigryw a ariennir ar y cyd.
Rhaglen cyfoethogi academaidd yw YYGS ar gyfer myfyrwyr ysgol uwchradd rhagorol o bedwar ban byd. Bob haf, mae myfyrwyr o dros 130 o wledydd yn cymryd rhan mewn cwrs rhyngddisgyblaethol dros bythefnos ar gampws hanesyddol Iâl. Ers 2020, mae YYGS wedi’i ddarparu ar-lein o ganlyniad i bandemig COVID-19.
Mae YYGS yn pwysleisio dull agored, archwiliadol a chydweithredol o ddysgu. Cynlluniwyd y rhaglen i ganiatáu fyfyrwyr i brofi dysgu mewn amrywiaeth o wahanol gyd-destunau prifysgol, o ddarlithoedd mawr i seminarau bach.
Mae myfyrwyr sy’n mynychu YYGS yn cofrestru i un o’r pedwar trac academaidd rhyngddisgyblaethol canlynol:
- Arloesi mewn Gwyddoniaeth a Thechnoleg
- Llenyddiaeth, Athroniaeth a Diwylliant
- Gwleidyddiaeth, y Gyfraith ac Economeg
- Datrys Heriau Byd-eang
Am fwy o wybodaeth am YYGS, ewch i globalscholars.yale.edu